ЕЧЛ. Ҳар бир босқичдаги энг йирик ҳисоблар
Бундан роса 10 йил олдин ЕЧЛ чорак финалида Алекс Фергюсон бошчилигидаги “МЮ” “Олд Траффорд”да Италиянинг “Рома” клубини 7:1 ҳисобида ғалаба қозонган эди. Бу ҳисоб чорак финаллар тарихидаги энг йирик ҳисоб саналади. Биз эса шу муносабати билан ЕЧЛнинг барча босқичлари(Гуруҳ, 1/8 финал, чорак финал, ярим финал ва финал)даги энг йирик ғалабалар билан сизларни таништирамиз.
>>“Бунёдкор” Эронда қандай ўйнаган?
>>Легионерларимиз ҳафта давомида. 1 қисм
>>Бу мавсум авотогол муаллифи бўлган 10 нафар юлдуз футболчи
Гуруҳ босқичи
“Ливерпуль” 8–0 “Бешиктош”
06.11. 2007. 4-тур
2007/08 йилги мавсум гуруҳ босқичида “Ливерпуль” ўз майдонида Туркиянинг “Бешиктош” жамоаси дарвозасига оз эмас, кўп эмас 8 та тўп киритишнинг уддасидан чиққан эди. Мазкур баҳсда Йосси Бенаюн 3 та, Питер Крауч хамда Раян Бабельлар икки, Стивен Жеррард эса бир марта туркияликлар дарвозасини ишғол этган эдилар.
“Реал” 8 – 0 “Мальме”
8.12.2015. 6-тур
Ўтган мавсум Рафаэль Бенитес бошқарувидаги “Реал” ўз майдонида “Мальме” дарвозасига бор йўл топган эди. Карим Бензема “хет-трик” қайд этган бўлса, Криштиану Роналду “пента-трик”ка эришган эди. Қолган ягона гол эса Матео Ковачич ҳисобига ёзилган.
>>Мадрид дербиси тарихидаги энг яхши 5 тўпурар
1/8 финал
“Бавария” 7 – 0 “Базель”
13.03.2012. Жавоб баҳси
Бундан 5 йил олдин бўлиб ўтган беллашувда “Бавария” “Базель”дан ҳар жабҳада устун келган эди. Ўшанда мюнхенликлар сафида Марио Гомес “покер”, Арьен Роббен эса “дубль”га эришади. Қолган битта голни эса Томас Мюллер киритган.
>ЕЧЛ. “Боруссия Дортмунд” – “Монако” учрашувига оид фактлар
“Бавария” 7 – 0 “Шахтёр”
11.03.2015. Жавоб баҳси
“Бавария” 1/8 финалда жуда сермаҳсул ўйин намойиш этиб келади. Мана, бу мавсум ҳам Мюнхен суперклуби “Арсенал” дарвозасига икки ўйинда 10 та тўп киритишнинг уддасидан чиқди. 2015 йилги 1/8 финалда эса “Шахтёр” “Альянц-Арена”да заррача имкониятга эга бўлмаган эди. Томас Мюллер мазкур баҳсда “дубль” қайд этган бўлса, Боатенг, Рибери, Бадштубер, Левандовски хамда Гётселар украиналиклар дарвозасини бир мартадан ишғол этишган.
Чорак финал
“Манчестер Юнайтед” 7–1 “Рома”
10.04.2007. Жавоб баҳси
Лучано Спалеттининг “Рома”си клуб тарихидаги энг йирик мағлубиятлардан бирини айнан “МЮ”дан қабул қилиб олган эди. Манчестердаги баҳсда Криштиану Роналду хамда Майкл Керриклар “дубль”га эришади. Алан Смит, Руни хамда Эвралар эса меҳмонлар дарвозасини бир мартадан ишғол этади. Бунга эса Де Росси фақатгина бир бор жавоб қайтаради холос.
Ярим финал
“Бавария” 4–0 “Барселона”
23.04.2013. Биринчи ўйин
Бу ўйинни “Барселона” мухлислари эслагилари келмаса керак, Юпп Хайнкес “шер” жамоани шакллантира олган эди ва Тито Виланова жамоасини “еб қўйган” эди. Мюллер ушбу ўйинда ҳам “дубль” қайд этган бўлса, Роббен хамда Марио Гомеслар Вальдес дарвозасига биттадан тўп киритишнинг уддасидан чиқади.
“Бавария” 0–4 “Реал”
29.04.2014. Жавоб баҳси
Орадан бир йил ўтиб эса Хосеп Гвардиола “Бавария”ни “қуён юрак”ка айлантириб қўйгандек эди. Боиси, жамоа ўз майдонида “Реал”га 0:4 ҳисобда имкониятни бой берган эди. Мезбонлар дарвозасига Роналду хамда Серхио Рамослар иккитадан гол киритиб, мадридликларнинг финалга йўл олишини таъминлаган эдилар.
>>“Атлетико” ва яна 5 та Роналдунинг Ла лигадаги севимли жамоалари
Финал
“Милан” 4–0 “Барселона”
18.05.1994 йил
ЕЧЛ баҳсларида “Барселона” дарвозасига 4 та гол киритиш илк бор “Милан”га насиб этган эди. Яна денг, финалда! Ярим финалда “Монако”ни ортда қолдириб, финал йўлланмасини қўлга киритган Фабио Капелло бошқарувидаги “россонерилар” финалда Йохан Кройфф мураббийлигидаги “Барселона”ни роса “пўстагини қоқади”. Афина шаҳри мезбонлик қилган мазкур финалнинг дастлабки бўлимида Даниеле Мацарро “дубль”га эришиб, итальянларни ҳисобда олдинга олиб чиққан бўлса, иккинчи бўлимга келиб Деян Савичевич хамда Марсель Десайилар томонидан киритилган голлар ҳисобни 4:0 кўринишига келтирган эди.
Тавсия этамиз:
- Ҳакамлар “Барселона”га ён босади(ми)
- “Ўзбекистон – Баҳрайн ўйинини эслаб” ёхуд Англияда ҳам шундай хато бўлди!
- Аҳмедов Ирисметовни қувиб ўтди ёхуд Ўзбекистон терма жамоаси тарихидаги энг яхши тўпурарлар
Шаҳзод Холбоев тайёрлади
Фикрлар