Аҳмедов Ирисметовни қувиб ўтди ёхуд Ўзбекистон терма жамоаси тарихидаги энг яхши тўпурарлар

ЖЧ-2018 саралаш босқичи доирасида Қатарга қарши ўйинда жарима зарбасини мукаммал бажарган Одил Ахмедов терма сафидаги 16-голини киритди ва тема жамоамиз тарихидаги тўпурарлар орасида 6-ўринга кўтарилиб олди. Биз эса шу муносабат билан, термамиз тарихидаги энг яхши тўпурарлар билан сизларни таништиришни мақсад этдик.

>>Баҳодир Пардаевнинг янги жамоаси ҳақида нималарни биласиз?

>>Бу ўйинни албатта томоша қилинг, сабаби…

>>Серхио Рамос ҳақида сиз билмаган фактлар

9. Николай Ширшов – 13 та гол

1996-2005 йилларда терма жамоада тўп сурган Ширшов бу давр мобайнида терма сафида 63 та ўйин ўтказган. 1996, 2000 ва 2004  йилги Осиё кубокларида иштирок этган Николай бош жамоамиз сафида 13 бор зафар қучган.

>>“Челси”нинг қимматбаҳо трансферлари. Топ-10

8. Улуғбек Бақоев – 14

“Бухоро” клубининг амалдаги мураббийи 2001-2014 йилларда терма жамоа сафида тўп сурган. 13 йил термадан чақирув олган Бақоев 53 та ўйин ўтказган ва 14 бор рақиблар дарвозасини ишғол этишга эришган.

>>Франция термаси тарихида энг кўп ўйин ўтказган футболчилар

7. Жафар Ирисметов – 15

Ўзбекистоннинг 2000 йилдаги энг яхши футболчиси терма жамоа сафида 1997-2007 йилларда тўп сурган. Бош жамоамиз сафида 15 та гол киритган Ирисметовга бунча гол киритиши учун 36 та ўйин етарли бўлган.

>>Футболчилар фаолиятини тугатганидан сўнг нима билан шуғулланишади?

6. Одил Ахмедов – 16

2007 йилдан буён терма жамоадан чақирув олиб келаётган Ахмедов термада 84 та баҳсда иштирок этган ва бу борада 5-ўринда зикр этилади. Тўпурарлик борасида эса 16 та гол билан ҳозирда 6-ўринда бормоқда.

>>Буюк дарвозабонлар ва уларнинг ажойиб-у ғаройиб рекордлари

5. Игор Шквирин – 20

1994 йилги Осиё ўйинлари қаҳрамонларидан бири бўлган Шквирин 1992-2000 йилларда тўп сурган. Бу вақт давомида эса 31 ўйинда 20 та гол киритишга эришган.

>>Жиру ҳам курашга қўшилди ёхуд Франция термаси тарихидаги энг яхши тўпурарлар

4. Сервер Жепаров – 25

Термамизнинг собиқ сардори бўлган Жепаров ҳозирга қадар 123 та ўйин ўтказган. Бу борада Темур Кападзени ортда қолдирган Сервер рақиблар дарвозасини 25 бор ишғол этган. Жепаровнинг энг “севимли” рақиблари Сингапур, БАА ва Ливан термаларидир.

>>Ван Гаалнинг “МЮ”да амалга оширган энг яхши ва энг ёмон трансферлари

3. Миржалол Қосимов – 30

Қосимов 1992-2005 йилларда терма жамоада тўп сурган Қосимов 66 ўйинда 30 бор гол киритган. Қосимовнинг энг “севимли” рақиблари Туркманистон, БАА ва Қатар термаларидир.

2. Александр Гейнрих – 31

Саша 2002 йилдан буён бош жамоамиздан мунтазам чақирув олиб келмоқда. Заҳирдан ўйинга тушиб, керакли самарани келтирувчи Гейнрих ҳисобида 31 та гол мавжуд.

1.  Максим Шацких – 34

“Макс” 1999-2014 йилларда термада фаолият олиб броган Шацких 61 ўйинда иштирок этиб, рақиблар дарвозасини 34 марта ишғол этган. “Макс” Хитой Тайпейига қарши кечган ўйинда “покер”га эришган Шацких Ўзбекистон термаси либосида бир ўйинда 4 та гол киритган ягона футболчи саналади.

Тавсия этамиз: 

Шаҳзод Холбоев тайёрлади

Фикрлар

Фикр қолдириш учун авторизациядан ўтинг!