Қозоғистонлик мураббий Бектемир Мелиқўзиев ва Сергей Ковалёв жангида кимнинг имконияти юқори эканлигини айтди

Юртдошимиз Бектемир Мелиқўзиевнинг россиялик Сергей Ковалёвга қарши 30 январда бўладиган жангига қизиқиш жуда юқори бўлмоқда. Нафақат Ўзбекистон ёки Россия, балки қўшни давлатларда ҳам ушбу тўқнашувни кутаётганлар ҳам кўплаб топилмоқда.

Жумладан, қозоғистонлик бокс мураббийи Жахсибой Утенбаев ҳам сайтимизга Бектемир Мелиқўзиев ва Сергей Ковалёв жанги борасидаги ўз фикрларини билдириб ўтди.

- Россиялик дўстларимиз хафа бўлмасину, бу жангда Бектемирга мухлислик қиламан ва унинг ғалаба қозонишига ишончим комил. Уни кўпдан буён биламан, жанг олиб бориш услуби жуда ёқади. Ҳаваскор боксдаги эришган натижалари уни юқори савиядаги боксчи эканлигидан далолат беради. Профессионалга ҳам тез мослаша олди. Бектемир бу йўналишда ҳам юқори натижалар қайд эта олади.