Бензема: Рўза тутганимда ўзимни яхши ҳис қиламан

Мадриднинг "Реал" клуби ҳужумчиси Карим Бензема рамазон ҳақида гапирди.

Дунёдаги миллионлаб мусулмонлар каби франциялик футболчи ҳам бир неча кун олдин Рамазон рўзасини бошлади. "Реал" ҳужумчиси рўза тутиш унинг фаолиятига таъсир қилмаслигини айтди.

Бензема Esquire журналига берган интервьюсида бу ҳақда шундай деди:

-Бунинг (рўза тутиш) ўйинларимга ҳеч қандай таъсири йўқ. Рамазон ҳаётимнинг бир қисми ва рўза тутиш менинг эътиқодимда фарз. Бу мен учун жуда муҳим ва рўза тутганимда ўзимни яхши ҳис қиламан.

Эслатиб ўтамиз, 34 ёшли Бензема барча жорий мавсум жами 35 та ўйинда майдонга тушди ва 34 та гол уриб, 13 та голга ассистентлик қилди.