Гвардиола Англиядаги энг зўр футболчи кимлигини айтди

“Манчестер Сити” бош мураббийи жорий мавсумда Англия Премьер-лигасида энг зўр ўйин кўрсатаётган футболчи кимлигини айтди.

- Мен Англия Премьер-лигасининг энг зўр ўйинчиси, деб Фил Фоденни эътироф этаман. Майдоннинг рақиб томонидаги қисмида бу футболчининг таъсири жуда кучли. У тўғри қарор қабул қила олади ва гол уришни ҳам яхши уддаламоқда.

Қолаверса, Фоден чемпионатда ғолиб чиқишни бошқалардан кўпроқ истамоқда ва мана шу интилиш кўп нарсадан далолат беради, - деди Хосеп Гвардиола.

Фил Фоден мавсумда юқори самарадорлик кўрсатмоқда. Ҳужумкор футболчи барча турнирларда 48 маротаба майдонга тушиб, 24 та гол ва 10 та ассист қайд этди.