Ана холос! "Барселона" ўз логотипини ўзгартирмоқчи (фото)

Янги логотип ҳозиргисига нисбатан "ёрқин, уйғун ва бир хил" эканлиги айтилган. Янги логотипда қора ички контурлар, FCB ёзуви олиб ташланган. Логотипнинг қолган элементлари, жумладан кўк-анор рангидаги чизиқлар сони ҳам 7 тадан 5 тага камайтирилган. Марказдаги тўпнинг шрифти ҳам анча катталашган.

Мазкур ўзгариш клуб аъзолари томонидан маъқулланиши керак ва шундай бўлган тақдирда янги логотипдан келгуси мавсумдан бошлаб фойдаланиши мумкин.

Бу борадаги қарор эса 20 октябр куни қабул қилинади. Маълумот учун "Барселона" тарихида ҳозирга қадар 10 та логотип бўлган ва 2002 йилда ҳозирги логотип вужудга келган.