1 киши кам бўлиб қолган "Арсенал" ўз уйида "Саутгемптон" билан дуранг ўйнади

Англия Премьер-лигаси 13-туридан ўрин олган "Арсенал" - "Саутгемптон" учрашуви ўз нихоясига етди. Ўйин 1-1 ҳисобидаги дуранг билан якунланди. 

Голларга Тэо Уолкотт ва Пьер-Эмерик Обамеянглар муаллифлик қилишди. 62-дақиқада "Арсенал" футболчиси Габриэль 2-сариқ карточкасини олиб, майдонни тарк этганига қарамай, жамоа мувозанатни сақлаб қола олди ва 1 очкони қўлга киритди. 

• 90+5'
  

  Учрашув якунланди! "Арсенал" 1 киши кам бўлиб қолганига қарамай, 1 очкони қўлга киритишга муваффақ бўлди. Матнли трансляцияни Абдулла Маннонов олиб борди. Эътиборингиз учун раҳмат!

• 90'
  

  Учрашувга 5 дақиқа вақт қўшиб берилди.

• 87'

  "Арсенал" бир амаллаб "Саутгемптон"нинг прессингидан чиқиб кетди. Ҳужум ўта кескинлашганди.

• 85'
  

  "Арсенал"да ўзгариш: Пепе ўрнига Седрик Соареш майдонга тушди.

• 84'

  "Саутгемптон" ҳужумда яхши ўйин намойиш этмоқда.

• 82'
  

  Денни Ингз сариқ карточка билан жазоланди.

• 77'

  Денни Ингз 3 дақиқа ичида 2 марта зарба беришга муваффақ бўлди, бирини ҳимоячи, яна бирини дарвозабон бартараф этди.

• 72'
  

  "Саутгемптон" бурчак тўпидан натижа чиқара олмади. Муваффақиятсиз уриниш.

• 70'

  "Арсенал" бурчак тўпи тепади.

• 67'
  

  2 дақиқа ўтиб "Арсенал" 2-ўзгаришни ҳам майдонга туширди: Себальос майдонни тарк этди ва ўрнига Уиллок майдонга тушди.

• 65'
  

  Микель Артета ҳам илк ўзгаришни амалга оширди: Нкетиа ўрнига майдонга Давид Луис тушди.

• 64'
  

  "Саутгемптон" мураббийи Ральф Хасенхюттль 2 ўзгаришни амалга оширди: Армстронг ва Уолкотт ўрнига майдонга Редмонд ва Женепо майдонга тушди.

• 63'
  

  "Арсенал" ҳимоячиси Габриэль фоли учун сариқ карточка олди. Бу у учун ушбу ўйиндаги 2-карточка бўлганлиги боис ҳакам унга қизил карточка кўрсатди ва уни майдондан четлатди.

• 62'

  Николас Пепе бурчак тўпини амалга оширди. Жанубликлар ишонч билан ҳимояланишда давом этмоқда.

• 61'

  Букайо Саканинг жарима майдонига узатган тўпига ҳаммадан биринчи Алекс Макарти чиқиб келди. 

• 60'

  Ўйин бошқаруви "Арсенал"да.

• 59'
  

  Уорд-Проуз бурчак тўпи тепди. Ҳимоячилар қийин вазиятдан амаллаб чиқиб кетишди.

• 58'
  

  Бош ҳакам Пол Тирни "тўпчилар" ҳимоячиси Габриэльга сариқ карточка кўрсатди.

• 57'

  Обамеянг жарима мйдони ичига ажойиб кросс амалга оширди, тўп эса ҳеч кимга тегмай майдонни тарк этди.

• 55'
  

  Пьер-Эмерик Обамеянг офсайдда қолиб кетди.

• 52'
  

  ГООООООООООООООООЛЛЛ!!! Мезбонлар ҳисобни тенглаштирди! Нкетианинг ажойиб узатмасини Обамеянг дарвозага жойлаб қўйди! 1-1!

• 50'

  Қисқа-қисқа ва узун-узун паслар "Арсенал" футболчилари томонидан мунтазам равишда амалга оширилмоқда, "тўпчилар" ўйинни назорат қилишга интилмоқда.

• 48'

  Моҳамед Элнени ўз майдонидан туриб иккинчи ярим майдонга тўпни узатди, бироқ ҳеч ким тўпга эга чиқолмади.

• 46'
  

  2-таймга старт берилди.

• 45'

  Футболчилар майдонга қайтишмоқда. Биз ҳам қайтамиз.

• 45+3'
  

  1-тайм якунланди, Пол Тирни ҳуштак чалиб, жамоаларни танаффусга чорлади.

• 45'
  

  1-бўлимга 2 дақиқа вақт қўшиб берилди.

• 45'
  

  Себальос сариқ карточка олди.

• 44'

  Стюарт Армстронг бирга бир вазиятга чиқиши мумкин эди, бироқ ҳимоячи чаққонлик қилди.

• 40'
  

  Мейиланд-Найлз ажойиб зарба берди, Алекс Макарти тўпни чиройли ушлаб қолди.

• 39'
  

  "Арсенал" бурчак тўпи ижро этди, бироқ муваффақиятсиз.

• 38'

  Дани Себальос жарима майдони ичига ажойиб тарзда кириб борди, ва зарба беришга ҳаракат қилди, бироқ ҳакам қўл билан ўйин бўлди деб ҳисоблади ва ўйинни тўхтатди.

• 35'

  Бу пас бутун майдонни босиб ўтиб ҳеч кимга насиб қилмади. Пепенинг зарбаси кучли чиқди.

• 34'
  

  Райан Бертран қўпол подкати учун сариқ карточка билан жазоланди.

• 32'

  Райан Бертран ажойиб рейд намойиш этиб, тўпни жарима майдони ичидаги шерикларига узатиб берди. Ҳимоячилардан бири эса боши билан тўпни узоқлаштириб вазиятнинг хавфини пасайтирди.

• 30'

  Денни Ингз ўзини босиб олиши зарур. У ҳакам билан тортишиб қолди ва майдон марказида тортишишда давом этмоқда.

• 29'

  Николас Пепе жарима майдони чизиғи устидан кучли зарба беришга муваффақ бўлди, ҳимоячилардан бири эса кутилмаганда тўпнинг йўлидан чиқиб жамоасини голдан қутқариб олди!

• 26'
  

  "Саутгемптон" футболчиси Ян Беднарек кераксиз жойда қўполлик ишлатиб, сариқ карточка ишлаб олди.

• 24'
  

  Жеймс Уорд-Проуз бурчак зарбасини ижро этди, бироқ ҳимоячилар вазиятни бартараф этди.

• 23'

  Киран Тирни жамоадошига тўпни қанотдан етказиб берди, Пепе эса тўпни назорат қила олмади.

• 21'

  "Арсенал" футболчилари тўпни назорат қилмоқда. Яхши прессинг қўлланмоқда.

• 18'
  

  ГООООООООООООООЛЛЛ!!! "Саутгемптон" ҳисобни очди! Тэо Уолкотт жарима майдони чизиғи устида тўпни қабул қилиб олди ва деярли бўшаб қолган дарвозани ишғол қилди! 0-1!

• 17'

  Букайо Сака чап қанотдан тўпни жарима майдони ичига ҳаволатиб узатди, бироқ дарвозабон тўпга ҳаммадан аввал чиқиб келди ва вазиятни бартараф этди.

• 14'

  Че Адамс тўпга ўта қўпол тарзда чиқиб келди, ҳакам ҳуштак чалиб жарима зарбаси белгилади.

• 11'

  Букайо Сака ҳимояда жонбозлик кўрсатиб, жамоасига фойда келтирди.

• 9'

  Бу фоли учун унга қизил карточка ҳам кўрсатилиши мумкин эди, бироқ Пол Тирни Себальосни оғзаки огоҳлантириш билан чекланди.

• 7'

  Райан Бертран жарима майдони ташқарисидан туриб Лено дарвозасига зарба йўллади, бироқ тўп анча юқорилаб кетди.

• 5'

  Киран Тирни ўз майдонидан туриб рақиб майдонига узун пас амалга оширди, бироқ унга ҳужумни давом эттирадиган шерик топилмади.

• 3'

  "Арсенал" футболчилари бир-бирига пас беришда бехато ўйнашмоқда, "Саутгемптон" тўпни эгаллаб олишга анчайин қийналмоқда.

• 1'
  

  Учрашув бошланди! 

• 0'

  Футболчилар майдонга чиқиб келишмоқда. Англия Премьер-лигаси мадҳияси янгради. 

• 0'

  Ассалому алайкум, қадрли футбол ихлосмандлари! Англия Премьер-Лигаси 13-туридан ўрин олган "Арсенал" - "Саутгемптон" учрашувини сайтимиз орқали матнли трансляцияда томоша қилишингиз мумкин. Учрашувни сиз билан Абдулла Маннонов кузатиб боради.