17 ёшли футболчи катта ишни уддалади

Бундеслиганинг биринчи тур учрашувида “Бавария” тарихида янги рекорд қайд этилди.

17 ёшли англиялик ярим ҳимоячи Жамол Мусиала супер тўпурар Роберт Левандовскининг пасидан сўнг “Шалке” дарвозасига жамоасининг саккизинчи голини киритди. Шу тариқа, ёш футболчи “Бавария” тарихида гол урган энг ёш футболчи сифатида тарихга кирди. У гол урган куни 17 ёшу 205 кунлик эди. Аввалги рекорд Парагвай терма жамоаси тўпурари Роки Санта Крусга тегишли бўлган.

Жамол Мусиала асли Германияда туғилган. Саккиз йил давомида “Челси” академиясида таҳсил олган ва 2019 йилда “Бавария” ёшлар жамоасига кўчиб ўтган. Шу йилнинг июнь ойида Мусиала “Фрайбург”га қарши ўйинда дебют қилди ва Бундеслига тарихида майдонга тушган энг ёш футболчига айланди.