Европалик агент Ҳусановга қўшиб, Файзуллаев номини ҳам ёзиб олди
Ўзбекистон миллий терма жамоаси ўзи учун дебют жаҳон чемпионатида дастлабки икки учрашувни жаҳон футболида етакчи ўринларда турадиган Колумбия ва Португалияга қарши ўтказишига тўғри келди.
Фабио Каннаро шогирдлари ҳар икки учрашувда ҳам имкониятни бой берган бўлса-да, миллий терма жамоамиз таркибидаги айрим ўйинчиларнинг иқтидори ва салоҳияти хорижлик экспертлар, мутахассис, скаутлар ва мураббийлар назарига тушди.
Хусусан, португалиялик футбол агенти Паулу Барбоза анчадан бери Ўзбекистон миллий терма жамоасига эътибор қаратиб келмоқда. Таниқли эксперт Ўзбекистон ва Португалия терма жамоалари ўртасидаги баҳсни ҳам кузатиб, таҳлил қилди.
Учрашувдан кейин Паулу Барбоза ўзини ҳайратга солган ва қизиқтириб қўйган икки нафар ўзбек футболчиси истеъдодини алоҳида тилга олди.
- Ўзбекистон миллий терма жамоаси сафида мени Абдуқодир Ҳусанов жуда ҳайратга солди. Португалияга қарши ўтказилган баҳсда бутун жамоанинг ўйини юришмади. Ўзбекистон биринчи учрашувда Колумбияга қарши баҳсдагидек ҳаракат ва динамикани кўрсата олмади.
Яна бир футболчи — Аббосбек Файзуллаев мен учун кутилмаган даражада қизиқ ўйин намойиш этди. Қолаверса, Абдуқодир Ҳусанов келажакда Англия премьер-лигасининг энг кучли ҳимоячиларидан бирига айланади. Бунинг учун унда барча сифатлар бор, у юқори даражали футболчи, - деди футбол агенти Паулу Барбоза.
2025-2026 йилги мавсумда Абдуқодир Ҳусанов "Манчестер Сити" таркибида барча мусобақалар доирасида 37 та ўйинда майдонга тушди, Англия кубоги ва Англия лигаси кубоги мусобақаларида бош совринни қўлга киритди. 22 ёшли марказий ҳимоячининг Манчестер клуби билан тузган шартномаси 2029 йилнинг 30 июнигача амал қилади. Transfermarkt портали Ҳусановнинг трансфер қийматини 50 миллион еврога кўтарди.
Аббосбек Файзуллаев Россиядаги муваффақиятли фаолиятидан кейин ўтган мавсумни Туркиянинг "Истанбул Башакшеҳир" клубида ўтказди. 22 ёшли ҳужумкор футболчи турк клуби сафида барча турнирларда 26 маротаба майдонга тушди, тўртта гол ва еттита ассист қайд этди. Унинг Transfermarkt порталидаги нархи бугунги кунда 7 миллион еврони ташкил қиляпти.
Ўзбекистон билан ўйиндаги гапи учун Роналдунинг "пўстагини қоқишди"
Ўзбек футболчисининг кейинги манзили "Челси" ёки Франция бўлади!
Ўзбеклар билан "ҳаёт учун ўйин" бўлади! Конго бош мураббийи Ўзбекистоннинг кучли томонини айтди
Суперклуб Шомуродов учун учта юлдузини ва пул таклиф қилди!
Эссиз, Ҳусановнинг кўз ёшлари: Ўзбекистон муваффақиятсизлигининг учта катта сабаб очилди
Беҳруз Каримов Роналду билан бирга мундиал рекордчиси бўлди
Фикрлар