29 ёшли мураббий Моуриньодан зўрлигини исботлаб қўйди

“Тоттенхэм” раҳбарияти Жозе Моуриньони бош мураббийликдан истеъфога чиқарганидан сўнг, португалиялик мутахассиснинг мураббийлар штаби ҳам тарқатиб юборилди.

Англия премьер-лигасининг навбатдаги турида жамоани “Саутгемптон”га қарши ўйинга Райан Мэйсон тайёрлади.

Янги мураббий қўл остида “Тоттенхэм” футболчилари 2:1 ҳисобида иродали ғалаба эришди.

Ўйин куни 29 ёшу 312 кунлик бўлган Райан Мэйсон Англия премьер-лигаси тарихида энг ёш бош мураббий сифатида тарихга ўз номини ёздириб қўйди.

Мэйсон футболчилик фаолиятини Лондон клубида бошлаган ва 2009-2016 йиллар давомида “Тоттенхэм” сафида 53 та учрашувда майдонга тушиб иккита гол урган. Кейинчалик бошқа жамоаларда ўйнаган Райан 2018 йилдан “Тоттенхэм” академиясининг мураббийи бўлиб ишлаб келаётган эди.