3 пенальти, қизил карточка ва автогол бўлган ўйинда "Ювентус" 10 киши бўлиб "Интер"ни таслим этди

Италия А Серияси 37-туридан ўрин олган марказий учрашув - "Ювентус" - "Интер" баҳси ўз ниҳоясига етди. Муросасиз кечган ўйин туринликларнинг 3:2 ҳисобидаги иродали ғалабаси билан якунланди.

Голларга "Ювентус" сафида 24-дақиқада Криштиану Роналду, 45+4 ҳамда 88-дақиқаларда Хуан Куадрадо муаллифлик қилган бўлса, "Интер"нинг ҳар иккала голи Лукаку номига ёзилди. Эътиборли жиҳати, голларнинг 3 таси пенальтидан урилди. Иккинчи бўлим якуни анчайин муросасиз кечганига қарамай, "Ювентус" ирода кўрсатиб, сўнгги дақиқалардаги пенальти эвазига ғалабани илиб кетди.

Шу тариқа, очколари сонини 75 тага етказиб олган "Ювентус" 4-ўринга кўтарилиб олди. Аллақачон чемпионликни қўлга киритган "Интер" эса 88 очко билан 1-ўринни банд этиб турибди.

• 90+5'
  

  Учрашув якунланди! Эътиборингиз учун раҳмат!

• 90+3'

  Ўйин ўта агрессивлашиб кетди. Барелла ҳам чиройли ўйнагани йўқ.

• 90+2'
  

  Марцело Брозович ҳакам билан тортишиб кетгани боис уни аяб ўтирмади ва қизил карточка олиб майдонни тарк этди.

• 90+1'
  

  Хуан Куадрадо ҳам сариқ карточка олди.

• 90+'
  

  Учрашув асосий вақтига 4 дақиқа вақт қўшиб берилди.

• 89'
  

  Марцело Брозович ҳам қизишиб кетди ва сариқ карточкага лойиқ кўрилди.

• 88'
  

  ГОООООООООООООООООООООООООООЛЛЛ!!! Куадрадо вазиятдан унумли фойдаланди ва дубльни расмийлаштирди! 3:2! Супер ўйин!

• 88'
  

  Пенальти! "Ювентус" сўнгги дақиқаларда пенальти ишлашга муваффақ бўлди! Куадрадо уни ижро этади.

• 87'

  Иван Перишич ўз жарима майдончаси ичида қўполлик кўрсатди! Ҳакам пенальти белгилаши мумкин.

• 87'
  

  Кьеллини қўполлиги учун сариқ карточка билан огоҳлантирилди.

• 83'
  

  Гол автогол сифатида қайд этилди! Кьеллини жамоасининг зарарига ишлаган экан!

• 82'
  

  ГОООООООООООООООООООООООООЛЛЛ!!! Ромелу Лукаку вазиятдан оқилона тарзда фойдаланди ва ҳисобни тенглаштирди! 2:2!

• 80'
  

  Бастони ўрнига Весино ўйинни давом эттирадиган бўлди.

• 78'
  

  Алессандро Бастони огоҳлантирилди. Ўйин анча кескин тус олди.

• 75'
  

  Лаутаро Мартинес қўполлиги учун сариқ карточка олди.

• 73'
  

  Кристиан Эриксен ўрнига Стефано Сенси ўйинни давом эттиради.

• 72'
  

  Ўзгариш: Кьеза ўрнига Демираль ўйинга қўшилди.

• 70'
  

  "Ювентус"да ўзгариш: Роналду майдонни тарк этди, ўрнига Альваро Мората ўйинга қўшилди.

• 69'

  Кьеллини рақибининг футболкасидан тортиб қолди. "Интер"да жарима зарбаси.

• 67'

  Бу сафар Лукаку қўпол ўйин кўрсатди. Ҳакам уни оғзаки огоҳлантирди.

• 65'

  Роналду кераксиз жойда фол ишлатди. Жарима зарбаси ижро этилади.

• 63'

  Перишичнинг зарбаси ҳимоячилар томонидан қайтарилди.

• 62'

  Лаутаро Мартинес қўпол фол намойиш этди. Жарима зарбаси.

• 61'

  Лаутаро Мартинез жарима майдончаси ташқарисидан кучли зарба берди, бироқ бирозгина ноаниқ.

• 58'
  

  Кулусевски ўрнига Маккенни ўйинга қўшилди.

• 55'
  

  Родриго Бентанкур ўта қўпол фоли учун иккинчи сариқ карточкасини олди ва майдонни тарк этди!

• 51'

  Лаутаро Мартинеснинг зарбаси бирозгина ноаниқ кетди.

• 49'

  "Интер" иккинчи бўлимни яхши бошлади. Тўп назорати юқори, паслар сони кўп, жамоавий ўйин топ даражада.

• 46'
  

  "Интер" бўлимни ўзгариш билан бошлади: Дармиан ўрнига Перишич ўйинга қўшилди.

• 46'
  

  Иккинчи бўлим бошланди.

• 45'

  Футболчилар майдонга қайтишмоқда. Биз ҳам қайтамиз.

• 45+5'
  

  Биринчи бўлим якунланди! Танаффус.

• 45+4'
  

  ГООООООООООООООООООООООООООООЛЛЛ!!! Хуан Куадрадо дарвозани ишғол қилди! Супергол. 2:1!

• 45+3'

  "Ювентус" ўйинни назорат қилмоқда, қисқа паслар жуда чиройли.

• 45+'
  

  Биринчи бўлимга 3 дақиқа вақт қўшиб берилди.

• 44'
  

  Бурчакдан тўпни Куадрадо ўйинга кирити беради.

• 43'

  Лаутаро Мартинес ҳужумда фол намойиш этди.

• 38'
  

  Куадрадо бурчак тўпини ижро этади.

• 37'

  "Ювентус"нинг узоқ вақт уюштирган ҳужуми бурчак зарбаси билан якунланди.

• 35'
  

  ГОООООООООООООООООЛЛЛ!!! Лукаку вазиятдан унумли фойдаланди ва ҳисобни тенглаштирди! 1:1!

• 34'
  

  Пенальти! Бу сафар "Интер"фойдасига! Лукаку уни ижро этади.

• 32'

  Тўқнашув. Ҳакам Данило айбдор деб топди.

• 27'

  Ўйин бир темпда давом этмоқда. "Ювентус" ўйинни назорат қилмоқда.

• 25'
  

  ГООООООООООООООООООЛЛЛ!!! Роналду дарвоза марказини аниқ нишонга олди! 1-0!

• 24'
  

  Пенальти! "Ювентус" фойдасига. Роналду уни ижро этади.

• 24'
  

  Маттео Дармиан сариқ карточка билан огоҳлантирилди.

• 23'
  

  Бурчак тўпини Куадрадо ижро этади.

• 21'
  

  Бентанкур ҳам огоҳлантирилди.

• 18'
  

  Лукакуга ёрдам кўрсатилмоқда.

• 16'
  

  Эриксен бурчакдан тўпни ўйинга киритиб беради.

• 15'

  Де Лихт хавфли ўйнади.

• 14'
  

  Деян Кулусевски сариқ карточка билан огоҳлантирилди. 

• 12'
  

  Бурчак тўпидан сўнг хавфли вазият юзага келмади.

• 11'

  Кулусевчкининг зарбасини ҳимоячи блоклади. Бурчак тўпи ижро этилади.

• 9'

  Куадрадонинг ўзи жарима зарбасини ижро этди, тўпни Ҳанданович эгаллаб олди.

• 8'

  Алессандро Бастони Куадрадога нисбатан фол ишлатди.

• 6'

  "Ювентус" тўпни назорат қилмоқда, устунлик ҳозирча уларда.

• 4'

  Лаутаро Мартинесга нисбатан фол ишлатилди. Жарима зарбаси.

• 2'

  Деян Кулусевски ўнг қанотдан тўпни жарима майдончаси ичига ошириб ташлаб берди, бироқ ҳимоячилар яхши ҳаракат қилишди.

• 1'
  

  Учрашув бошланди!