АПЛ мураббийларининг антиқа услублари

Юрген Клопп - аут ва коктейл сири

5a2f749631f2f9a35d37b9ebbaf99da6

2015/16 йилги мавсумда Клопп Англияга келгач, уни инглиз диёрида муваффақиятсизликка учрашини башорат қилди. Боиси, кўпчилик унинг "Боруссия"даги ўйин услуби Премьер-лигага мос келмаслигини айтган эди, аммо амалда ундай бўлиб чиқмади.

У ортда қолган икки йил давомида ажойиб жамоани шакллантира олди. Бунда ўзига хос бўлган нарсаларнинг ўрни катта албатта.

Масалан у аутларни ўйинга киритишни ўргатувчи махсус мураббий ёллаган. Бу Томас Гроннемаркдир. Даниялик мутахассис бобслей, енгил атлетика ва футболда фаолият кўрсатган. У 51,34 метр масофага улоқтириши билан Гиннеснинг рекордлар китобига кирган. Ҳозирда эса мазкур рекордчи "Ливерпуль" ҳужумларини аутлар орқали ривожлантириш борасида иш олиб бормоқда. Статистик маълумотларга кўра, "қизиллар"нинг рақиб жарима майдони яқинида тўпни ён чизиқдан ўйинга киритадиган 13 % ҳолларда муваффақиятли тугайди.

Бундан ташқари Клопп футболчиларнинг таомномасини ҳам белгилаб беради. Мерсисайдда ҳозирда германиялик ошпаз ишламоқда. У бунга қадар Миллий Хоккей лигаси жамоаларида ишлаган. Германиялик сузувчи Марк Варнек эса футболчилар шириндан-шакар коктейллар тайёрлаб беради. Бундан ташқари Германия терма жамоаси собиқ диеотологи Мону Неммер ҳам футболчиларнинг ўйинлардан сўнг тезроқ тикланиши ва соғлом бўлишлари учун таомномани тузиб беради.


Унаи Эмери ва шакарлар

NINTCHDBPICT000418140827

Эмерининг "Арсенал"га келганига эндигиниа икки ой бўлди, аммо шунга қарамасдан, лондонликларнинг ўйинлари ва натижалари бутунлай ўзгарди. 

Испаниялик мутахассис Англияга келиши биланоқ, жамоа базасидаги таомномани ўзгартирди. Эмери гуруч, ёғли ва аччиқ таомларни ҳамда шарбатларни тақиқлади. Охиргисини таркибидаги шакар миқдори кўп эканлиги боис шундай қарорга келди. Аммо шарбатхўрлар - Шкодран Мустафи ва Уэлбеклар ундан бу борада бироз енгиллик беришни сўрашди. Энди эса "Арсенал" машғулот базасида табиий меваларни сиқиб, шарбат қилувчи мосламалар бор, ҳар бир футболчида!

Бундан ташқари, Унаи шогирдларининг жисмоний жиҳатдан Премьер-лиганинг қолган футболчиларидан ортда қолаётганини билиб, қўшимча машғулотлар ўтказиш учун майдон ёнида чодир ўрнатмоқда.

"Эмери? У ақлдан озган. У доимо планшетини кўтариб олиб футболчиларга дакки беради. У футбол жинниси, аммо унинг ишга бўлган муносабатини ҳурмат қиламан", - деди Мустафи.

Дарвоқеа, яна бир статистика. Мустафи Арсен Венгер қўл остида ўйнаган вақтларда хатолар миқдори 53 % ни ташкил этар эди. Ҳозирда эса бу кўрсаткич 27,7 % га қадар қисқарди.


Рафаэль Бенитес ва тактикалар

456f3473ba4b6e129399e745c15f2b12

Баҳорда The Telegraph нашри қизиқ бир нарсани эълон қилган эди. "Ньюкасл" бош мураббийи Рафаэль Бенитес оилавий тушликни ёмон кўради ёки хаддан ташқари футболни севади. Шу даражада севадики, уйда ликопчаларни 4-4-2 схемаси ёрдамида столга жойлаштиради. 

Ушбу мавсум аввалида "қарғалар" етакчиларидин бири бўлган Жонжо Шелви шундай деган эди:

"Бенитес - футбол жинниси. У доимо футбол кўради. Масалан мен унинг хонасига кириб ёнига ўтирсам, у мени эшитмайди, чунки иккита экранда футбол кўраётган бўлади. Мавсум аввалида у бизга бир ярим соат  маъруза ўқиди ва бирданига мендан Жонжо, мен нималар ҳақида гапирдим деб сўраб қолди. Табиийки, мен бунга жавоб қайтара олмадим. Боиси маърузанинг таҳминан 7-8-дақиқаларида уйқуга кетган эдим".

Аммо унинг тактикалари иш бермаяпти. Ҳар холда "Ньюкасл" ҳозирда жадвалнинг сўнгги поғонасида бормоқда.


Сарри ва тўп билан муомала

Сарри тўп назоратини яхши кўради. Ҳозирги "Челси" Конте ёки Хиддинк давридаги "Челси"дан икки баробар кўп тўп узатишларини амалга оширмоқда. Сарри бирор футболчи "квадрат" ўйини вақтида кетма-кет хатоларга йўл қўйса, уни майдонни бир марта айланиб чиқишини талаб  қилади.

Саррининг машғулотлардаги сўнгги янгилиги эса машғулотларга панна бўйича жаҳоннинг энг яхши  футболчи Софьен Тузанини таклиф этди. Панна ўйинчиларнинг  оёқ орасидан ўтказувчи спорт тури саналади. Тузани икки соат давомида "Челси" футболчиларининг "додини берди". Қизиғи, улар орасида энг техникаси юқори футболчилар - Виллиан ва Эден Азарлар ҳам бор эди.


Вагнер ва юкламалар

"Хаддерсфилд" устози Вагнерни ҳақиқий "ботаник"лардан дейиш мумкин. У ҳар доим рюкзак ва кўзойнак таққан ҳолда юради. У ҳам Бенитес каби савол-жавоблар ўтказиб туришни хуш кўради.

У футболчиларнинг жисмоний ҳолатларига жиддий эътибор қаратади. Yahoo Sports хабарига кўра, Вагнер машғулот майдончасидаги кичик автомобилга арқон  боғлайди, иккинчи учига эса футболчини боғлайди. Сўнгри ўзи машинага ўтириб, уни пастроқ тезликда ҳаракатлантиришга ҳаракат қилади. Футболчи эса қарама-қарши томонга югуриши керак бўлади. Аммо бундай услублар ҳам ҳозирда "Хаддерсфилд"га ёрдам бера олмаяпти, боиси, жамоа хавфли зоналар атрофига ўралашиб қолган.

 

 

 

 

 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар