Alisson "Liverpul"ga o‘tgach nimalar dedi?

Kecha “Liverpul” bilan shartnoma imzolagan braziliyalik darvozabon Alisson yangi jamoasiga o‘tgach o‘zining ilk fikrlarini bildirdi.

“Men chindanam baxtliman. Orzular ro‘yobga chiqdi. Men “Liverpul”dek shonli tarixga va g‘alabalarga ega jamoa libosini kiydim. Bunday jamoaga kelganim va bu oilaning bir a’zosiga aylanganim mening faoliyatimdagi katta o‘sish bo‘ldi. Men bu erda borimni berib harakat qilaman, bunga ishonishingiz mumkin”, - deydi Alisson.

Eslatib o‘tamiz, 72,5 mln evroga “Roma”dan ko‘chib o‘tgan Alisson bu bilan dunyoning eng qimmat darvozaboniga aylandi.