Аллегрининг иштаҳаси карнай

Туриннинг "Ювентус" клуби бош мураббийи Массимилиано Аллегри жамоасига дунёнинг энг кучли ярим ҳимоячиларни жалб этмоқчи.

Calciomercato нашри тарқатган хабарга кўра 51 ёшли мутахассис “кекса синьора”нинг ярим ҳимоя позициясини кучайтирмоқчи ва бунинг учун “Челси”дан Н'Голо Канте ва “Реал”дан Искони Туринга олиб келиш истагини билдирмоқда.

Бироқ, Аллегри ушбу футболчиларни бир вақтнинг ўзида иккаласини ҳам сотиб олиш қийинлигини жуда яхши сезиб турибди ва шунинг учун раҳбариятдан камида улардан бирини сотиб олишларини сўрамоқда.