Андижон, Наманган ва Тошкент шаҳрида футбол мураббийларининг билимларини қайта синовдан ўтказиш бўйича ўқув курслари ташкил қилинди
Ўзбекистон футбол ассоциацияси томонидан ҳудудлардаги футбол мураббийларининг касбий маҳоратини янада ошириш мақсадида мунтазам равишда турли чора-тадбирлар амалга оширилмоқда.
Жумладан, 11-14 ноябрь кунлари Андижон вилоятида мураббийларнинг билимларини янгилаш бўйича ўқув курси бўлиб ўтди. Ушбу ўқув курсини Усмон Тошев инструктор сифатида олиб борди.
12-15 ноябрь кунлари эса бундай ўқув курслари Тошкент шаҳрида ўтказилди. "Чиғатой"да ўтказилган ўқув жараёнига Дмитрий Ким инструктор сифатида тайинланди.
15-18 ноябрь кунлари эса мураббийларнинг билимларини янгилаш бўйича ўқув курслари Наманганда бўлиб ўтади. Бу ерда ҳам инструктор сифатида Усмон Тошев фаолият олиб боради. Ўқув курслари якунида мураббийларнинг имтиҳонлар олинади. Имтиҳонлардан муваффақиятли ўтган мураббийлар 3 йил давомида мураббийлик фаолияти билан шуғулланишлари мумкин бўлади.
Уч йилдан сўнг яна синовлардан ўтиш талаб этилади.
Фикрлар