"Anji" futbolchilari rahbariyatga ultimatum qo‘ydi, Hamdamov ham (foto)

Hamyurtimz Dostonbek Hamdamov faoliyat olib boradigan Dog‘istonning "Anji" klubi futbolchilari rahbariyatga ultimatum qo‘ydi.

Uzoq vaqtdan buyon maosh olmayotgan futbolchilar bosh direktor nomiga xat yozishdi. 23 nafar futbolchi imzolagan xatda ular 18 oktyabrga qadar eng kamida ikki oylik maoshni berishlari talab etilgan va shu muddatga qadar to‘lovlar amalga oshirilmasa, ish tashlash yuzaga kelishi aytilgan.

E’tiborlisi, xatga imzo chekkanlar orasida Hamdamov ham bor. U mart oyida jamoa safiga kelib qo‘shilgan edi.