Антонио Спинос Ўзбекистон кубоги мусобақасида қатнашди (фото)

  Пойтахтимизда каратэ бўйича болалар, ўсмирлар, ёшлар ва катталар ўртасида Ўзбекистон кубоги мусобақаларининг тантанали очилиш маросими бўлиб ўтди.

  "Универсал" спорт саройида бўлиб ўтаётган мусобақада турли вилоятлар,Қорақалпоғистон Республикаси ва Тошкент шаҳридан 1300 нафардан ошиқ каратэ усталари иштирок этаяпти. Кеча бўлиб ўтган мусобақаларнинг очилиш маросимида Бутунжаҳон каратэ федерацияси президенти Антонио Спинос қатнашди ҳамда нутқ сўзлади.

  Ўзбекистон кубогида мустақил ҳамдўстлик мамлакатларининг каратэ раҳбарлари ҳам иштирок этмоқда.

  Мусобақа бугун ниҳоясига етади.