Antuan Grizmann: "Oltin to‘p"ni frantsuz futbolchisi olishi shart

Madridning "Atletiko" klubi forvardi Antuan Grizmann bu yilgi “Oltin to‘p” sovrini kimga nasib etishi kerakligi haqida o‘z fikrini bildirib o‘tdi.

“Bu men uchun orzu. Agar “Oltin to‘p” tarixiga nazar solsak, ushbu sovrinni faqat eng zo‘rlari qo‘lga kiritgan. Biz mundialda g‘olib chiqdik va har birimiz dunyodagi eng kuchli jamoaning bir qismiga aylandik. Eng zo‘r futbolchi eng zo‘r jamoada o‘ynaydi, to‘g‘rimi?

Albatta ovoz berish jarayonida turli qarash va fikrlar bo‘ladi. Biroq, bu yilgi “Oltin to‘p”ni frantsuz futbolchisi olishi shart deb hisoblayman”, - deydi Grizmann.