"Арсенал" Суаресни сотиб олишга рози бўлди

Каталониянинг "Барселона" клуби ярим ҳимоячиси Денис Суарес "Арсенал"га ўтишга яқин турибди. Бу ҳақда Daily Star нашри хабар бермоқда.

Айтиш лозимки “канонирлар” даставвал 25 ёшли испаниялик футболчини мавсум якунига қадар ижарага олишни режалаштиришган эди. Аммо, каталонияликлар уни тўлиқ трансфер қилиш эвазига қўйиб юборишларини билдиришган. Шу боис “Арсенал” якунда Ла Лига грандининг талабига рози бўлган.

Бундан аввалроқ унга шунингдек "Челси", "Эвертон", "Вест Хэм" ва "Уотфорд" клубларидан ҳам қизиқишлар мавжудлиги ҳақида хабарлар тарқалган эди.

Маълумот учун, Суарес асли “Барселона” тарбияланувчиси ҳисобланади. У жорий мавсум “кўк-анор ранглилар” сафида жами 6та ўйинда майдонга тушди ва ўз ҳисобига 2та гол ёздириб қўйишга муваффақ бўлди.