"Атлетико" футболчиси 7 ойга озодликдан маҳрум этилиши мумкин

Аввалроқ, Мадриднинг “Атлетико” клуби ҳимоячиси Лукас Эрнандес зўравонлик қилгани учун полиция томонидан қўлга олингани ҳақида хабар берган эдик.

Marca нашри тарқатган хабарларга кўра, прокурор Эрнандесни 7 ойга озодликдан махрум этишни сўрамоқда.

Эслатиб ўтамиз, 20 ёшли француз ўз қиз дўсти бўлган Амелии Лорентени калтаклаган, жабрланувчи эса кейин шифохонага юборилган эди. Аммо, қизнинг соғлигига жиддий зарар етмаган. Бироқ, футболчи шу куннинг ўзида полиция томонидан ҳибсга олинган эди.

Маълумот учун, Диего Симеоне Лукас Эрнандесни бугун бўлиб ўтадиган “Барселона”га қарши Испания кубоги ярим финал жавоб учрашуви қайдномасига киритди.