Гвардиола Ҳусановга энг катта талабни қўйди! Уни тез бажариш керак...
Англия Премьер-лигаси жаҳон футболида энг мураккаб, шиддатли, муросасиз лига сифатида эътироф этилган. Жорий мавсум “Манчестер Сити” кўрсаткичларида сезиларли пасайиш кузатилди. Хосеп Гвардиола бу инқироз ечимини узоқ йиллар давомида айтарли даражада ўзгармаган асосий таркибни янгилашда кўрди. Клуб раҳбарияти уни қўллаб-қувватлади.
Бунинг самарасида манчестерликлар январь ойида учта катта трансферни амалга ошириб, марказий ҳимояга “Ланс”дан Абдуқодир Ҳусанов, “Палмейрас”дан Витор Рейс, “Айнтрахт” тўпурари Умар Мармушни олиб келди. Уч трансферга 120 миллион фунт стерлингдан ошиқроқ маблағ тўланди.
Таъкидлаш жоизки, клуб қишки трансферлар ойнаси ёпилгунига қадар яна янги ижрочиларни олиб келиш бўйича ишларни давом эттирмоқда.
Англия чемпионлигини кетма-кет тўрт маротаба қўлга киритган ягона жамоа сифатида тарихга кирган “Манчестер Сити” ўйинчисига айланган Абдуқодир Ҳусановни бу ёғига катта синовлар кутиб турибди.
Инглизлар ўта талабчан мухлислар тоифасига киради. Биринчи навбатда, Абдуқодир Ҳусанов янг жамоасида ўз ўйинлари билан “шаҳарлик” фанатларнинг ишончини ва меҳрини қозониши талаб этилади.
Бир сўз билан айтганда, 20 ёшли ҳимоячимизнинг ҳаёти ва профессионал фаолиятида янги босқич бошланди.
Бугунги кунда Абдуқодир Ҳусановнинг Англия чемпионатида ўйнаб кета олиши энг долзарб ва ҳамманинг диққат-марказида турган масалага айланиб улгурган.
“Шаҳарликлар” бош мураббийи Хосеп Гвардиола Абдуқодир Ҳусанов ҳақида илиқ фикрда. Бироқ, ўзбек футболчиси тез ҳал қилиши керак бўлган масала ҳам бор. Испаниялик мутахассис буни ўзбек легионеримиз ҳақида фикр билдирган пайтда қўшиб ўтди.
- Абдуқодир Ҳусанов жамоага тез мослашиб кетди, чунки у Франция лигасида ўйнаган, шиддатли ва тезкор ўйинчиларга қарши ҳаракат қилиш тажрибаси бор.
Бироқ, ўзбек футболчиси инглизчада ҳам, француз тилида ҳам эркин ва яхши гаплаша олмайди. Шу боис, ўзаро мулоқот тез орада ҳал қилишимиз керак бўлган масалардан бири ҳисобланади, - деди Хосеп Гвардиола.
Таъкидлаш жоизки, Абдуқодир Ҳусанов профессионал фаолияти тез ривожланаётган ўйинчиларимиздан ҳисобланади. Ўзбекистон Суперлигасида бирор маротаба майдонга тушмаган 20 ёшли ҳимоячимиз Беларусь ва Франция чемпионатларида ном қозонди.
Энди Ҳусанов замонавий футбол ватани ҳисобланган Англияни забт этиши керак.
Табиийки, Хосе Гвардиола ҳам қиммат – 50 миллион еврога олинган ўзбек футболчисига ўзини кўрсатиш учун етарлича имкон беради. Муҳими, Абдуқодир бундан унумли фойдаланиб қолиши шарт. Ҳамюртимиз салоҳиятини ва имкониятларини инобатга олган ҳолда, бу ишни уддалашига умид билдириб қоламиз.
Ҳусановни нега икки баравар кўп пул бериб бўлса ҳам олиб келмадинг!
Гвардиола Ҳусанов қачон дебют қилишини айтди!
Ҳусановнинг Гвардиолани ҳайратга солган учта сифати айтилди!
Шомуродов жамоасида охирги имкон қолди!
Фикрлар