"Атлетико" ҳам Ўзил учун курашга қўшилди

Мадриднинг "Атлетико" клуби "Арсенал" ярим ҳимоячиси Месута Ўзилни ўз сафида кўрмоқчи.

El Gol Digital тарқатган хабарга кўра "матрасчилар" 30 ёшли германиялик футболчи учун “канонирлар”га 22,5 миллион евро тўлашга тайёр. Қайд этиш лозимки, бундан аввалроқ Ўзил учун "Интер" ва "Истанбул Башакшехир" клублари ҳам қизиқиш билдираётгани ҳақида хабарлар тарқалган эди.

Эслатиб ўтамиз, Ўзил “Арсенал” бош мураббийи Унаи Эмерининг режаларига кирмагани боис раҳбарият уни сотиб юбормоқчи. Унинг ўрнига эса “Бавария”дан Хамес Родригесни олиб келишмоқчи.