"Атлетико"нинг икки етакчиси эртага "Боруссия" Дортмундга қарши ўйинда иштирок этолмаслиги мумкин

Мадриднинг "Атлетико" клуби ҳимоячиси Диего Годин ҳамда ҳужумчиси Диего Костанинг жорий ҳафта Чемпионлар лигаси доирасида “Боруссия” Дортмундга қарши бўлиб ўтадиган ўйинда иштирок этиши сўроқ остида қолмоқда.

FOX Sports нашри тарқатган хабарга қараганда ҳар иккала футболчи ҳам немис грандига қарши бўладиган ўйинга қадар тўлиқ тикланиб улгурмасликлари мумкин. Айтиш лозимки, уругвайлик футболчининг ошқозони безовта қилмоқда, испаниялик футболчи эса мушакларидан жароҳат олган.

Эслатиб ўтамиз, "Атлетико" - "Боруссия" учрашуви эртага Тошкент вақти билан соат 01:00да бошланади.