"Аякс" де Лигтни 50 миллион евродан камига сотмайди, унга "Барселона" ва "Ювентус" даъвогар

Амстердамнинг "Аякс" клуби топ клубларнинг қизиқишларига сабаб бўлаётган ҳимоячиси Маттейс де Лигтнинг охирги трансфер баҳосини эълон қилди.

Tuttosport нашри тарқатган хабарга кўра голланд гранди 19 ёшли футболчисини 50 миллион евродан камига сотмайди. Ушбу футболчи учун ҳозирда "Барселона" ва "Ювентус" асосий даъвогар сифатида тилга олинмоқда.

Маълумот учун, де Лигт жорий мавсум “Аякс” сафида жами 17та ўйинда майдонга тушди ва ўз ҳисобига 2та гол ҳамда 1та голли узатма ёздириб қўйишга эришди.