Аёллар ва эркаклар ўртасидаги Ўзбекистон чемпионати ниҳоясига етди (фото)

  Шахматга ихтисослашган республика болалар-ўсмирлар спорт мактабида аёллар ва эркаклар ўртасида республика чемпионати бўлиб ўтди.

 Аёллар ўртасида бўлиб ўтган беллашувларда 9 имкониятдан 7,5 очко тўплаган Моҳим Оразмуҳаммедова (Қорақалпоғистон) ғолиблик шоҳсупасининг энг юқори поғонасидан жой олди. Кейинги ўринлар Умида Омонова (Сурхондарё, 7 очко) ва Озода Хусаинова (Тошкент вилояти, 6,5 очко) га насиб этди.

 Эркаклар баҳсида қашқадарёлик шахматчи Абдумалик Абдусалимов 9 имкониятдан 8 очко жамғариб, Ўзбекистон чемпиони бўлди. Иброҳим Каримов (Андижон, 7 очко) ва Асилбек Собиров (Фарғона, 7 очко) лар эса иккинчи ва учинчи ўринлар билан кифояланишди.