Азамат Алланиёзов "Навбаҳор"дан кетдими?

Жорий мавсум сўнггига келиб, Наманганнинг "Навбаҳор" жамоасида мураббий ўзгаргани барчангизга маълум. Анчадан буён жамоани бошқариб келаган Илҳом Мўминжонов ўрнини футболчи сифатида кўпчиликка яхши таниш бўлган Андрей Канчелиськис эгаллади. 

Шунингдек Илҳом Мўминжонов жамоани тарк этгач ўзи билан бир қатор футболчиларни ҳам олиб кетганлиги ҳақида хабарлар тарқалди. SPORTS.uz ушбу гап сўзлар қанчалик ўринли эканлигини аниқлаш мақсадида ҳужумчи, Азамат Алланиёзов билан боғланди:

-Менинг "Навбаҳор"дан кетганим ҳақидаги хабарлар ёлғон, бўлмаган гап. Жамоа билан мавсум якунигача шартномам бор, агарда жамоага керак бўлсам шартномамни яна узайтиришга ҳам тайёрман. Муҳлисларимиздан ҳавотирга тушмасликларини сўраб қолар эдим, сўнгги пайтларда жамоа билан бирга эмаслигимнинг сабаби қўлимдан олган жароҳат билан боғлиқ, яқинда жарроҳлик амалиётини ўтказдим, -дейди футболчи SPORTS.uz сайти мухбирига.

Эслатиб ўтамиз Алланиёзов жорий мавсумда "лочинлар" сафида 4 та голга муаллифлик қилган