Азар: Биз "Сити"га қарши ҳимоявий тактикани қўллаймиз

"Челси" клуби ярим ҳимоячиси Эден Азар АПД доирасида "Манчестер Сити"га қарши учрашув олдидан ўз фикрини билдирди.

- Ушбу учрашув 2-3 ой олдин ўтказилган ўйинлардан кўра, ўзгача бўлади. Ўйлашимча, "Сити" футболчилари ўз эътиборларини тўп назоратига қаратишади.

Бизнинг мақсадимиз ва майдондаги тактикамиз ҳимоядан туриб рақиб дарвозасини икки марта ишғол этиш. Тан олиш лозим, ушбу ой "Челси" учун мушкул бўлади. Бироқ биз ҳамма нарсага тайёрмиз, - дея Азарнинг сўзларидан иқтибос келтиради Sky Sports нашри.

Эслатиб ўтамиз, "аристократлар" ҳамда "шаҳарликлар" 10 февраль куни ўзаро куч синашишади.