Азар: Жиру – дунёдаги энг кучли ҳужумчилардан бири

“Челси” клуби ярим ҳимоячиси Эден Азар “Кардифф Сити”га қарши (4:1) кечган АПЛ 5-тур ўйинидан кейин ўз фикрлари билан ўртоқлашди. Бельгиялик футболчи мазкур ўйинда хет-трик муаллифига айланди.

“Миллий терма жамоалар учун бериладиган танаффуслардан кейин ўйнай осон эмас, аммо биз 3 очкони қўлга киритдик ва бу энг муҳими. Биз яхшироқ ўйнашимиз мумкин эди ва яхшироқ ҳаракат қилишимиз ҳам лозим эди, лекин барибир тўртта гол урдик.

Оливье Жиру – кучли ҳужумчи, дунёдаги энг яхшиларидан бири, мен шундай ҳисоблайман. У тўпга эгалик қилиши билан уни ушлаб туради, нимадир ўйлаб топишга ҳаракат қилади. Альваро Мората бошқача ўйнайди ва икки нафар ҳар хил футболчи бўлгани бизнинг ютуғимиз”, – деди Азар.