Азар "Реал"нинг қарорини кутмоқда

Испаниялик журналист Гильем Балаге “Челси” вингери Эден Азарнинг “Реал”га ўтиши борасида ўз фикрини билдириб ўтди.

“Азар “Реал”га ўтишни хоҳламоқда, бу унинг орзуси. У “Челси” билан шартномани узайтиришни истамади ва “Реал”нинг қарорини кутмоқда”, - дейди Балаге.

Таъкидлаш керакки, бельгиялик футболчининг “Челси” билан амалдаги шартномаси 2020 йилга қадар имзоланган. Лондонликлар эса уни жамоада олиб қолиш учун ҳафтасига 300 минг фунтдан юқори маош тўлашга ҳам тайёр.