"Barselona" 19 yoshli frantsiyalik futbolchining transferini e’lon qildi

"Barselona" Frantsiyaning "Tuluza" klubi himoyachisi Jan-Kler Todiboning transferini e’lon qildi.

Kataloniyaliklar rasmiy sayti tarqatgan xabarga ko‘ra 19 yoshli futbolchi mavsum yakunlangach, ya’ni “Tuluza” bilan shartnomasi tugagach “ko‘k-anor ranglilar” safiga erkin agent sifatida kelib qo‘shiladi. Shundan so‘ng u “Barselona” bilan 4 yillik shartnoma imzolaydi.

Ma’lumot uchun, Todibo joriy mavsum “Tuluza” safida jami 10ta o‘yinda ishtirok etdi va o‘z hisobiga 1ta gol hamda 1ta golli uzatma yozdirib qo‘yishga erishdi.