Даҳшат! Ўзбекистон “ўлим гуруҳи”да ўйнайдиган бўлди!

Айни пайтда АҚШ, Мексика ва Канада яшил майдонларида ташкил этиладиган жаҳон чемпионатида иштирок этадиган 48 мамлакат миллий терма жамоалари мундиалга якуний тайёргарлик йиғинларини ўтамоқда.

Шу билан бирга турли манбалар жаҳон чемпионатига оид сўнгги маълумотлар, фактлар, таҳлиллар натижаларини тақдим қилишда давом этмоқда.

Спорт оламидаги таҳлилларга ихтисослашган Opta тадқиқотлар маркази Power Rankings халқаро  рейтинги ёрдамида 2026 йилги футбол бўйича жаҳон чемпионатининг энг кучли ва энг заиф гуруҳлари аниқланди.

Бу ҳақда Opta Analyst хабар берди.

Жаҳон чемпионатининг энг мураккаб гуруҳи сифатида “I” квартети тан олинди. “Ўлим гуруҳ”лари рейтингида энг кучлиси ҳисобланган ушбу квартетда охирги икки мундиал финалида ўйнаган  Франция миллий терма жамоаси, Сенегал, Норвегия ва Ироқ футболчилари жой олган. Ушбу гуруҳ иштирокчиларининг ўртача қийинлик рейтинги 81,8 баллни ташкил қилди.

Ўз тарихида илк бор футбол оламининг энг нуфузли мусобақасида иштирок этадиган Ўзбекистон миллий терма жамоаси жойлашган “К” квартети иккинчи “ўлим гуруҳи” сифатида қайд этилди. Ҳамюртларимиз Криштиану Роналду бошчилигидаги Португалия, Луис Диас ва Хамес Родригес етакчилигидаги Колумбия ва Африканинг бақувват йигитларидан таркиб топган Конго Демократик Республикаси терма жамоалари билан рақобатлашадиган гуруҳнинг мураккаблик дарадаси 81,0 баллга тенг бўлди.

Бу рейтингда учинчи поғонадан “J” гуруҳи жой олди. Амалдаги жаҳон чемпиони – Аргентина, Жазоир,  Австрия ва Иордания миллий терма жамоалари оғирлиги 80,5 баллга баҳоланган гуруҳда ўзаро рақобатлашади.

Эътиборли жиҳати шундаки, энг мураккаб учта гуруҳда ҳам Осиё қитъаси вакиллари бор.

Рейтинг бўйича энг заифи “В” гуруҳи бўлди. Унинг ўртача рейтинги 70,9 баллга тенг. Мусобақа мезбони Канада, Қатар, Швейцария  ҳамда Босния ва Герцеговина миллий терма жамоалари ўртасидаги рақобат нисбатан пастроқ баҳоланди.

Энг башорат қилиб бўлмайдиган квартет сифатида “D” гуруҳи эътироф этилди. У қийинлик даражаси бўйича бешинчи ўринни эгаллади (78,3 балл). Бу жаҳон чемпионатидаги ягона гуруҳ бўлиб, унинг таркиби фақат рейтингнинг кучли 50 талигига кирувчи Туркия, Австралия, Парагвай ва мундиал мезбонларидан бири АҚШ миллий терма жамоасидан иборат.

Европада ўзбек футболчиларига эътибор қаратишди

Бизда Ҳусанов бор! “Манчестер Сити” хўжайини Абдуқодирни ҳам тилга олди

Ўзбек футболчиларининг ўйиндан кейин қилган иши канадаликларни ҳайратга солди!

“Барса”дагилар Ҳусановга баҳо берди

ФИФА Ҳусановга алоҳида тўхталди!

“Бака-бака банг, дор ўйнанг”! Мундиалда Ўзбекистонга кимлар мухлислик қилишини биласизми?

Ана холос! Мареска Ҳусановга кучли рақобатчи олиб келади

Бунақаси Шомуродов фаолиятида биринчи марта бўлди