"Барселона" АПЛ грандларига Коутиньонинг нархини эълон қилди

Каталониянинг "Барселона" клуби АПЛ жамоаларига ўзининг бразилиялик ярим ҳимоячиси Филиппе Коутиньо нархини эълон қилди.

The Express нашри тарқатган хабарга кўра “кўк-анор ранглилар” 26 ёшли футболчини 100 млн евро эвазига сотиб юборишга тайёр. Эслатиб ўтиш лозимки, каталонияликлар Коутиньони бундан роппа-роса бир йил муқаддам “Ливерпул”дан 130 млн евро эвазига сотиб олишган эди. Унга ҳозирда "Манчестер Юнайтед" ва "Челси"дан жиддий қизиқишлар мавжуд.

Маълумотларга қараганда Коутиньо гарчи “Барселона”да асосан захирада қолиб кетаётганига қарамай жамоасини ўзгартирмоқчи эмас. Унинг клуб билан амалдаги шартномаси 2023 йилга қадар имзоланган.