"Барселона" Бельгия терма жамоаси посбонини ўз сафига қўшиб олмоқчи

Каталониянинг "Барселона" клуби "Ливерпуль" дарвозабони Симон Миньоленинг хизматларига қизиқиш билдира бошлади.

Calciomercato тарқатган хабарга қараганда “кўк-анор ранглилар” 30 ёшли бельгиялик посбонни жамоани тарк этиши кутилаётган дарвозабон Яспер Силлессенга муносиб ўринбосар сифатида қарашмоқда.

Эслатиб ўтамиз, бундан аввалроқ Миньоленинг агенти “Ливерпуль” “Рома”дан Алиссонни сотиб олгач, мижози учун бошқа жамоа қидиришни бошлаб юборгани ҳақида хабарлар тарқалган эди.