Александр Усик боксни нима учун тарк этаётганини очиқ гапирди

Икки вазн тоифасида собиқ мутлақ жаҳон чемпиони Александр Усик катта спортни тарк этиш қарори ортидаги сабаблар ҳақида очиқ гапирди.

"Нега фаолиятимни якунлаяпман? Аниқ айта олмайман. Мана, Тайсон Фьюри бор. У бир фаолиятини тугатаман дейди, кейин яна қайтиб келади. Яна якунлайман дейди, яна рингга чиқади...

Биз спортда жуда кўп вақт ўтказамиз, шунинг учун “мен учун ҳаммаси тугади” деб айтиш осон эмас. Бироқ шунча йил меҳнат қилганингдан кейин тананг чарчашни бошлайди. Менда ҳам худди шундай. Мен темирдан ясалмаганман, бошқа сайёрадан келган жонзот эмасман. Менинг ҳам оилам ва фарзандларим бор", — дея Усикнинг сўзларини келтирди "New York Times".

Эслатиб ўтамиз, украиналикнинг "Сўнгги рақси" жорий йилнинг охирига режалаштирилган. Ҳозирда Усик жамоаси фаол музокаралар олиб бормоқда ва эҳтимолий рақиб сифатида собиқ жаҳон чемпиони Деонтей Уайлдер кўриляпти.