"Барселона" "Бордо" ва "Рома" ўртасидаги келишувни йўқга чиқарди

Тарқалган хабарларга кўра, "Барселона" "Бордо"нинг ярим ҳимоячиси Малколм учун курашга киришди.

Айтиб ўтиш жоизки, "Рома" ушбу трансферни амалга оширишга яқин турганда, "кўк-анор ранглилар" Малколмга кўчиб ўтишни таклиф қилишган.

Кеча, римликлар "Бордо" билан ярим ҳимоячининг трансфери бўйича музокаралар ўз якунига етгани ва футболчи бир неча кундан сўнг Римга етиб келишини эълон қилишганди. Ушбу кўчиб ўтиш, 32 миллион евро эвазига баҳолангани ҳам эълон қилинди.

Маълумот учун, "Барса" "Челси" ярим ҳимоячиси Виллианга қизиқиш билдираётганди бироқ "аристократлар" 29 ёшли футболчининг нархини 70 миллионга баҳолади. Шу сабабдан, каталонияликлар ушбу трансфердан кечишди.

- "Бордо" "Рома" билан бўлган келишувни тўхтатиб қўйди. Биз бир неча кундан сўнг Римга кўчишни режалаштиргандик аммо бундай вазиятда муаммони ҳал қилишимиз даркор, - дея Малкомнинг агенти сўзларидан иқтибос келтиради Mundo Deportivo нашри.