"Барселона" Испания кубогидан четлатилмайдиган бўлди

Испания футбол федерацияси (RFEF) “Леванте” клубининг “Барселона”ни Испания кубогидан четлатиш борасидаги апелляциясини рад этди.

RFEF’нинг маълум қилишича қарор ўз кучида қолдирилади ва “Барса” ўзининг кубокдаги иштирокини давом эттиради.

Эслатиб ўтамиз, “Леванте”га қарши кечган дастлабки ўйинда каталонияликлар сафида сариқ карточкалари кўпайиб кетгани учун дисквалификация қилинган футболчи - Чуми Брандарис майдонга тушган эди. Шундан сўнг “Леванте” раҳбарияти бу ҳолат юзасидан Испания футбол федерациясига “Барселона”ни мусобақадан четлатишни сўраб мурожаат қилган эди.

Энди “Леванте” бу масала юзасидан Спорт арбитраж судига мурожаат қилиши мумкин.