"Барселона" ҳимоячисини Туркияга чорлашмоқда

Каталониянинг "Барселона" клуби ҳимоячиси Йерри Мина фаолиятини Туркия Суперлигасида давом эттириши мумкин.

Берилган хабарларга қараганда 23 ёшли колумбиялик футболчига “Фенербахче” клубидан жиддий қизиқиш бўлмоқда. Ўз навбатида “кўк-анор ранглилар” ҳам бу борадаги таклифларни кўриб чиқишга тайёр. Бироқ, “Барса” раҳбарияти Минани фақат иккита шарт билан сотиши мумкин: 1. Ижарага бериш, 2. Кейинчалик қайтариб сотиб олиш шарти билан сотиш.

Эслатиб ўтамиз, Мина “Барселона” сафига ўтган қишки трансферлар даврида Бразилиянинг “Палмейрас” клубидан келиб қўшилган эди.