"Барселона" жорий ёз ўз сафига яна 2та футболчи қўшиб олишни режалаштирмоқда

Каталониянинг “Барселона” клуби мавсумлар оралиғида камида яна 2та футболчи сотиб олишни режалаштирмоқда.

Sport.es тарқатган хабарга кўра “кўк-анор ранглилар” ушбу икки трансферни майдон марказини кучайтириш учун амалга оширишмоқчи. Айни дамда “Барселона” бу борада 3та номзодни кўриб чиқмоқда. Улар “Аякс”дан Френки де Йонг, ПСЖдан Адриан Рабьо ва “Челси”дан Виллианлардир.

Такъидлаш лозимки, де Йонгдан ташқари қолган икки номзодни қўлга киритиш “Барса” учун қийинчилик туғдириши мумкин. Боиси, Рабьони ҳам, Виллианни ҳам ўз жамоалари қўйиб юборишни исташмаяпти.