"Барселона" қишда "Ливерпуль" ҳимоячисини сотиб олмоқчи

"Ливерпуль" ҳимоячиси Альберто Морено фаолиятини Испанияда давом эттириши мумкин.

Mundo Deportivo нашри тарқатган хабарга кўра каталонияликлар айни дамда чап қанот ҳимоясида етарли футболчига эга эмас. Бу позицияда уларда ҳозирча ягона номзод – Хорди Альба бўлиб турибди. Шу боис “Барселона” раҳбарияти айнан 26 ёшли испаниялик футболчини сотиб олишни кўзлашмоқда.

Таъкидлаш керакки, Моренонинг айни дамда “Ливерпуль” асосий таркибига кира олмаётгани ва унинг шартномаси жорий мавсум сўнггида ниҳоясига етишини инобатга олганда ушбу трансферни амалга ошириш “Барса” учун нисбатан енгил кечиши мумкин. Унинг трансфери эса тахминан 5 миллион еврога баҳоланмоқда.

Эслатиб ўтамиз, Морено “Ливерпуль” сафига 2014 йил “Севилья”дан 18 миллион еврога кўчиб ўтган эди.