“Барселона” раҳбарияти Дембеледан хулқини ўзгартиришни сўради

“Барселона” жамоаси президенти  Хосеп Мария Бартомеу, бош директор Хосеп Сегура ва техник котиб Эрик Абидаль клуб ҳужумчиси Усмон Дембеле агенти билан учрашув ўтказди.

Marca нашрининг хабар беришича, “кўк-анорлилар” раҳбарияти агент билан суҳбатда мижоз янада профессионал бўлишини, машғулотларга ўз вақтида келиб, жамоага ўзлашишда давом этиши керак эканини маълум қилди.

Дембеле испан тилини билмагани учун жамоадошлари билан деярли мулоқот қилмайди. Фақатгина ҳамюртлари Самуэль Умтити ва Клеман Лангле билан француз тилида суҳбат қилади.  

Аввалроқ Дембеле “Барселона”нинг “Интер”га қарши ўйини олдидан жамоавий учрашувига кеч қолди. “Бетис” юилан баҳс олдидан эса гастроэнерит туфайли машғулотларга келмади, аммо бу ҳақда ҳеч кимга маълум қилмаган.