"Барселона" ва "Реал" "Челси" етакчиси учун ўзаро кураш олиб боради

Ла Лиганинг икки гранди - "Реал" ва "Барселона" ёзда "Челси" хавбеки Н'Голо Кантени қўлга киритиш учун ўзаро кураш олиб боришади. Бу ҳақда Le 10 Sport нашри хабар бермоқда.

Юқоридаги манбаага кўра 27 ёшли франциялик футболчи бош мураббий Маурицио Сарри билан муносабатларидаги келишмовчиликлар сабаб “аристократлар” сафидан кетмоқчи. Унинг трансфери эса 100 млн еврога баҳоланмоқда.

Маълумот учун, Канте жорий мавсум “Челси” сафида жами 34та ўйинда майдонга тушди ва ўз ҳисобига 4та гол ҳамда 4та голли узатма ёздириб қўйишга эришди. Унинг лондонликлар билан амалдаги шартномаси эса 2023 йилга қадар имзоланган.