"Барселона" яна бир футболчининг трансфери борасида ишламоқда

Каталониянинг “Барселона” клуби раҳбарияти жамоа марказий чизиғини кучайтириш учун яна бир харидни амалга оширмоқчи.

El Mundo Deportivo нашри тарқатган хабарга кўра "кўк-анор ранглилар" ёзги трансферлар деразаси ёпилгунига қадар "Аякс" хавбеки Френки де Йонгни ўз сафларига қўшиб олишмоқчи. Бироқ, “Барселона” раҳбарияти амстердамликларнинг 21 ёшли футболчини жорий ёз қўйиб юбориш истагида эмасликларини ҳисобга олиб, уни 2018/19 йилги мавсум якунига етгач сотиб олиш борасида ҳозирдан келишиб олмоқчи.