"Bavariya" va "Yuventus" o‘zaro super futbolchilar rokirovkasini amalga oshirishmoqchi

Myunxenning "Bavariya" klubi "Yuventus" forvardi Paulo Dibalani o‘z safida ko‘rishni istamoqda.

Sky Sports nashri tarqatgan xabarga ko‘ra nemis grandi 24 yoshli argentinalik futbolchi evaziga kolumbiyalik xavbek Xames Rodrigesni berishga tayyor. Biroq, myunxenliklar buning uchun avval ushbu futbolchining transferini “Real”dan to‘liq sotib olishlari lozim.

Ma’lumot uchun, Dibala joriy mavsum “Yuve” safida jami 12ta o‘yinda maydonga tushib, o‘z hisobiga 6ta gol yozdirib qo‘yishga erishdi. Xamesning hisobida esa 11ta o‘yinda 3ta gol va 2ta assistentlik mavjud.