Биласизми? Жеко ЕЧЛнинг кетма-кет 4та баҳсидан буён гол урмоқда

Кеча Ливерпуль шаҳридаги машҳур “Энфильд Роуд” стадионида УЕФА Чемпионлар лигаси ярим финал босқичининг дастлабки учрашуви бўлиб ўтди. “Ливерпуль” шу куни “Рома” устидан 5:2 ҳисобида ғалаба қозонди.

Ушбу учрашувда римликларнинг киритилган икки голидан бирига ҳужумчи Эдин Жеко муаллифлик қилди. Эътиборлиси, босниялик футболчи шу тариқа ушбу мусобақада кетма-кет тўртинчи ўйинда ҳам рақиб дарвозасига йўл топа олди.

Маълумот учун, Жеко жорий мавсум ЕЧЛда жами 11та учрашувда иштирок этган ва ўз ҳисобига 7та гол ёздириб қўйишга эришган.