Бонуччи: “Ювентус” ЕЧЛ финалига чиқишни мақсад қилган
“Ювентус” клуби ҳимоячиси Леонардо Бонуччи сўзларига кўра, туринликлар бу мавсум ЕЧЛ финалига чиқишни мақсад қилган.
“Кекса синьора” вакиллари ЕЧЛ гуруҳ босқичи 3-турида “Манчестер Юнайтед” билан куч синашиб, “Олд Траффорд”дан ғалаба билан қайтди. 1:0.
– Бизнинг мақсадимиз, МЮ билан ўйинда устунлик қилиш эди, – дейди Бонуччи. – Биз буни уддаладик ва якунда зафар қучдик. Мен ва бутун жамоа финалга чиқишни мақсад қилганмиз. Бу қийин албатта, аммо бунга ета оламиз.
Эслатиб ўтамиз, “Ювентус” 9 очко билан “H” гуруҳида биринчи ўринда бормоқда.
Фикрлар