Бу мавсум Хамес учун "Бавария"даги сўнггиси бўлади

Сўнгги икки мавсумни "Бавария" сафида ижара асосида ўтказаётган “Реал” ярим ҳимоячиси Хамес Родригес ўзининг мюнхенликлар сафидаги келажаги борасида бир қарорга келди.

Bild нашри тарқатган хабарга қараганда 27 ёшли колумбиялик футболчи учун бу мавсум немис гранди сафидаги сўнггиси бўлади. Боиси, у ёзда жамоасини ўзгартирмоқчи.

Трансфер ҳуқуқи “Реал”га тегишли бўлган Хамес ёзда “Ювентус”га кўчиб ўтишни режалаштирмоқда. Унинг агенти аллақачон бу борада “кекса синьора” билан музокараларни бошлаб юборган.

Эслатиб ўтамиз, “Бавария”да Хамес Родригеснинг трансферини 42 млн евро эвазига тўлиқ сотиб олиш ҳуқуқи мавжуд.