Буффонга Аргентинадан таклиф тушмоқда
“Бока Хуниорс” клуби бош мураббийи Баррос Скелотто “Ювентус” дарвозабони Жанлуижи Буффонга қизиқиш билдирганлигини тасдиқлади.
– Клуб президенти менга Буффон билан боғланиб, Аргентинада омадини синаб кўришга тайёр-тайёр эмаслигини билишимизни айтди. Барчасини қайтадан 17 майдан кейин муҳокама қилишга келишиб олдик. Агар Жижи фаолиятини ЕЧЛни юта олмай якунласа, ўз омадини Либертадорес кубогида синаб кўриши мумкин, – дея Скелоттонинг сўзларини келтиради Radio Continental.
“Ювентуса”нинг италиялик посбон билан тузган шартномаси 2018 йил июнида якунига етади. Аввалроқ 40 ёшли футболчи фаолиятини мавсум якунида тамомлаши мумкинлигини маълум қилган эди.
Фикрлар