“Бухоро” футболчилари жисмоний тайёргарлик бўйича норматив топширишди
Хабарингиз бор, Ўзбекистон футбол ассоциациясининг техник ривожлантириш бошқармаси илмий-методик бўлими ҳар йили мавсум старти ва иккинчи давра ўйинлари олдидан футболчиларнинг жисмоний тайёргарлигини билиш мақсадида тест-нормативларини ўтказиб келмоқда.
Техник ривожлантириш бошқармаси илмий-методик бўлими ходими педагогика фанлари номзоди, профессор Шамиль Исеев бошчилигидаги мутахассислар 20 феврал куни "Бухоро" футболчиларидан тест-нормативлар олишди. Бу ҳақда клуб матбуот хизмати хабар бермоқда.
Тест-нормативлар натижаси бир неча кундан сўнг техник-бўлим томонидан маълум қилинади.
Бундан кўзланган мақсад, мавсум аввалида футболчиларнинг янги чемпионатга қандай тайёргарлик кўрганини аниқлаш, уларнинг жисмоний жиҳатдан тўлиқ мавсум ўтказишга тайёрлигига ишонч хосил қилишдир.
Фикрлар