"Бухоро"нинг уй стадионида ҳам янги мавсумга пухта тайёргарлик кўрилмоқда
Хабарингиз бор Ўзбекистон Профессонал футбол лигаси янги мавсумда Суперлигада иштирок этадиган клубларга қатъий талабларни қўйган.
Улар орасида энг муҳими бу стадион ва майдоннинг ҳолатидир. Бизга берилган маълумотларга қараганда айни пайтда “Бухоро” клуби ўз уй учрашувларини ўтказадиган “Бухоро спорт мажмуаси”да янги мавсумга қизғин ҳозирлик ишлари олиб борилмоқда. Жумладан, майдонга суғориш тизимлари ўрнатилди ва Голландиядан келтирилган махсус майса уруғи сепилиб, усти целлофан билан ёпилди. Трибуналардаги ўриндиқларни алмаштириш ишлари ҳам бошлаб юборилди. Тез орада футболчиларнинг кийиниш, ювиниш хоналари, ҳакамлар, назоратчи ва комиссар хоналари ҳам жорий таъмирдан чиқарилади.
Фикрлар