"Челси" Азарга Голландиядан ўринбосар топди

Лондоннинг "Челси" клуби "Аякс" хавбеки Хаким Зийехга жиддий қизиқиш билдира бошлади.

Calciomercato нашри тарқатган хабарга кўра “аристократлар” 25 ёшли марокашлик футболчини ёзги трансферлар даврида ўз сафига қўшиб олишмоқчи. Гап шундаки Зийех “Челси” сафида “Реал”га кетиши айтилаётган Эден Азарнинг ўрнини эгаллайди.

Маълумот учун, Зийех “Аякс” сафига 2016 йил 11 млн евро эвазига “Твенте” клубидан келиб қўшилган эди. У жорий мавсум амстердамликлар сафида 31та ўйинда майдонга тушди ва ўз ҳисобига 15та гол ҳамда 12та голли узатма ёздириб қўйишга эришди. Унинг клуб билан амалдаги шартномаси 2021 йилга қадар имзоланган.

Фикрлар

Фикр қолдириш учун авторизациядан ўтинг!